Darkhan Juzz-дің туған күніне орай ұйымдастырылған іс-шара

Бүгін талантты әнші Darkhan Juzz-дің туған күні. Бүгін ол 34 жасқа толар еді. 

СІМ өкілі Айбек Смадияров Дархан Жүнісбековтің 24 ақпанда Пхукет аралында алған мопедімен жол апатына түсу салдарынан қайтыс болғанын айтқан еді. 

Darkhan Juzz (шын аты — Дархан Жүнісбеков) 1990 жылы 9 тамызда Алматы қаласында орналасқан Ақсай елдімекенінде дүниеге келген. Ол - рэп орындаушысы, ән авторы және дыбыстық продюсер. Әншінің шығармашылық мұрасына үңілсеңіз, классикалық траппен, акустикалық гитарамен және сезімтал лирикамен де кезігесіз. Дархан Жүнісбеков өзінің шығармашылығымен қазақ тілінің насихатталуын мақсат еткен болатын. Qazaq indie жанрында ән жазатын музыкант көпшілік қауымға «Sheker», «Erikpe», «Uide» сияқты әндерімен етене танымал. 

Оның бұрынғы продюсері Азат Әбікен өзінің Instagram парақшасында елорда жағалауында «Darkhan Juzz орындығының» ашылатыны туралы хабарлады.   

«12 тамызда елорданың жағалауында  «Darkhan Juzz-дің орындығы» ашылады. Көпшіліктің жиналатынына сенімім мол. Біз көппіз. Бәріңізді күтеміз», —  деді ол.