Дәріханадағы есірткі: Алматы полициясы 15 заң бұзушылықты анықтады

Есірткі қылмысына қарсы күрес басқармасының қызметкерлері заңды есірткі айналымы саласындағы құқық бұзушылықтарды анықтау үшін дәріханаларға барды.

Тәртіп сақшылары 20 дәріхананы тексеріп, есірткі құралдарын сақтау және өткізу бойынша 15 заң бұзушылық фактісін анықтады.

«Есірткі құралдарының заңсыз айналымы мен рецептсіз сатылу фактілерін анықтау бойынша тұрақты түрде рейдтер жүргізетінімізді атап өткім келеді. Қазір мұндай есірткіні заңсыз таратқандар үшін жауапкершілікті күшейту бойынша бірқатар ұсыныстар әзірленуде»,- деді Алматы қалалық ІІД бастығы полиция подполковнигі Ерлан Әлмағамбетов.

Барлық фактілер бойынша ҚР ӘҚБтК-нің 426 және 424-баптары бойынша әкімшілік хаттамалар толтырылды.

Сонымен қатар, дәріханадағы есірткі саудасымен полиция қызметкерлері ғана емес,  «дәріхана дәрілерін» сату нүктелері туралы дабыл беретін алматылықтар мен жұртшылық белсенді түрде күресіп жатыр.