Дариға Назарбаеваның қайда жүргені белгілі болды
![cover](/uploads/sites/3/2023/03/af100f9c-e4f9-4210-9bc7-6f2d45fa67f6-1440x810.jpeg)
Қазақстанның экс-президенті Нұрсұлтан Назарбаевтың тұңғыш қызы Дариға Назарбаеваның қайда жүргені белгілі болды.
Бұл туралы Нұрсұлтан Назарбаев қоры директорының орынбасары Әлкей Марғұланұлынан сұхбат алған Halyq Uni хабарлайды.
Оның айтуынша, Нұрсұлтан Назарбаев қоры жоспар бойынша жұмыс істеп тұр. Қор басшысы Дариға Назарбаева әлеуметтік бастамалар бойынша жаңа жоспарларды іске асырып жатыр.
– Мен Нұрсұлтан Назарбаев қорында атқарушы директордың орынбасарымын. Дариға Нұрсұлтанқызы біздің қордың директоры. Біз үнемі ол кісінің жанында жұмыс істеп жатырмыз, әлі де жұмыс істейміз, – деген ол қор жұмысының негізгі үш бағыт бойынша жалғасып жатқанын атап өтті.
Директор орынбасарының сөзінше, «Қазақстан халқына» қорымен бірлесіп 2023 жылы қор 8 аутизм орталығын ашуға дайындық үстінде.
– Алғашқы бағытымыз, дарынды балаларды қолдау, яғни «El Úmiti» академиясы шеңберінде «Myń bala» жобасын іске асырып жатырмыз. Екінші бағытымыз, «Қазақстан халқына» қорымен бірлесіп, Қазақстанда аутизм және өзге ментальді ауытқушылығы бар балаларға арналған 8 аутизм орталығын ашамыз. Қордың дәстүрлі бағыты саналатын жастар жобасы, әлеуметтік идеялар жәрмеңкесі және жыл сайын әр облыстағы мың адамды қамтитын азық-түлік себеттері жобасын әлі де жүзеге асырып жатырмыз, – деді ол.
«Дариға Нұрсұлтанқызы Астанада тұрып жатыр ма?» деген сұраққа ол қор басшысының қазір қоғамдық жұмыстарға ден қойып жатқандығын жеткізді.
– Әрине, ол кісі өзінің жұмысын атқарып жатыр. Неше түрлі өсек-аяңдарға мән бермейміз. Өйткені оның барлығы өтірік, жалған нәрсе. Қазір керісінше ол кісі біздің қоғамда одан әрі халыққа қызмет көрсетуге, әлеуметтік тапсырмаларды күшейтуге тапсырма берді, – деді Әлкей Марғұланұлы.
Ал қаңтардан кейінгі оқиғалардың қайталанбауы үшін мемлекеттік сектор алдын-алуға қам жасау қажеттігін, сондай-ақ көптеген деректердің уақыт өте келе айтылатынын жұмбақтай жеткізді.
– Қаңтар оқиғасына қатысты ештеңе айта алмаймыз. Себебі, өзімнің жеке пікірім бойынша, әлі көп нәрсе уақыт өте келе ашыла бастайды. Жеке адамның субъективті пікірімен мемлекеттік деңгейдегі оқиғаға қатысты пікір айтуға ерте деп ойлаймын. Қолымызда толық ақпарат жоқ. Мұндай дүниенің қайталанбауының алдын алуымыз керек. Баға беруге ерте. Әлі көп нәрсені сүзгіден өткіземіз, – деді қор директорының орынбасары.
«Дариға Назарбаева қайтадан билікке келуі мүмкін бе?» деген сұраққа ол бұл пікірмен келіспейтінін айтты.
– Жоқ, олай деп ойлаймаймын. Ол кісі барлық жұмысын қоғамға, жастарға беру жағына қатты мән беріп жатыр. Ал Әлия Назарбаеваны танымаймын. Қатынасымыз болған емес. Басқа адамдар туралы ештеңе айта алмаймын. Себебі расымен көрмегенмін, – деді ол.
Айта кетелік, қаңтардағы оқиғалардан соң Назарбаев пен оның туыстары биліктен кеткен, кейбірі істі болған. Ал көпшілікке кәсіпкер һәм кинопродюсер болып танылған Нұрсұлтан Назарбаевтың кенже қызы Әлия Назарбаеваның қайда екені белгісіз.
Ол инстаграм әлеуметтік желісінде соңғы жазбасын 2022 жылы 22 қаңтарда жариялаған. Онда «Жақсы күніңде Құдайды еске алсаң, жаман күніңде Құдай сені есіне алады» деп жазылған. Парақшасында Әлия Назарбаева бастамашы болған жобалардың дені 2022 жылғы қаңтардан соң жаңармаған. Тек «Халықаралық жасыл технологиялар және инвестициялық жобалар орталығы» КЕАҚ парақшасынан әлі де жұмыс істеп тұрғанын байқауға болады. Жасыл технологиялар саласында бастамаларды іске асыратын орталық Нұрсұлтан Назарбаевтың тапсырмасымен 2015 жылы құрылған.
Жаңалықтар
- «Ішіндегі іріңмен бір ай жүрген марқұм»: Полиция кінәлі дәрігерлерді ұстамады
- «Халық қаржысын гүлге шашты»: Екібастұз қаласы 2,5 млн теңгені гүл жеткізу қызметіне бермек
- Жасанды интеллектпен жанданған ескі фотолар
- Халықаралық банк еліміздің су жүйесін қаржыландырмақ
- «Қызымның жыныс мүшесіне тиісті»: Зорлықшы әке 20 жылға сотталды
- «LEGO» балалардың денсаулығына үлкен қауіп төндіреді
- Қазақстандықтар рубльден құтылып жатыр
- Абай облысы жылу орталығының 64,2 пайызы тозып кеткен
- Дана Әтешоваға қарсы сот ісі
- «Ғылым академиясы мен Саясат Нұрбектің тартысы»: Назарбаев академик атағынан айырылды ма?
- Шымкентте жаңа мәдениет сарайы бой көтермек
- Енді кез-келген балағат сөзге жаза бар
- Ресейде қазақтың батыр қызы Әлияның есімімен аталған мешіт ашылды
- «Израиль мен Палестина»: 39 мың адам қаза болған соғысқа АҚШ араласа ма?
- 260 мыңдай қайтыс болған адамдардың ақшасы мұрагерсіз тұр
- Тұтынушылар шағымы өсіп келеді
- «Жер дауы»: Аңшылыққа пайдаланған 212 мың гектар жер мемлекетке қайтарылды
- «Ел намысын қорғайтын былғары қолғап шеберлері»: Қазақстан қарсыластары кімдер?
- Қазақстан-Ресей шекарасында көлік қозғалысы қиындауы мүмкін
- «5000 шақырым жүріп өткен ата»: Ақтаудан велосипедпен шығып Парижге жетті