Дәрігерлер Қайыңды жолында болған ірі апаттан зардап шеккендердің жағдайын айтты

Алматы көпсалалы клиникалық ауруханасының дәрігерлері 5 қазан күні Алматы облысында Қайыңды көліне барар жолда болған жол апатынан зардап шеккендердің жағдайы туралы хабарлады. Сол жерде туристер мінген екі автобус бетпе-бет соқтығысқан, деп хабарлайды КТК. 

Жол апатынан зардап шеккен төрт адамға ота жасалды. Тағы екеуі жансақтау бөлімінде жатыр.

«Бас жарақатымен бір науқас жан-жақты  емдеуге жатқызылды. Екі науқасқа ерекше назар аудару қажет: біреуі сол жақ жіліншіктің бірнеше жабық сынықтарымен, екіншісі оң аяғының субтрохантериялық сынықтарымен түсті. Олар жансақтау бөлімінде, ота жасауға дайындалуда. Барлық науқастардың жағдайы тұрақты» деп хабарлады облыстық көпсалалы аурухананың баспасөз қызметі. 

Бұған дейін ірі жол апатынан 36 жастағы жолаушы қаза тауып, тағы алтауы ауруханаға жеткізілгені хабарланған болатын. Жарақат алғандардың арасында 20 әйел мен 14 ер адам бар.

Алматы облысы ІІД басшысы Бауыржан Әленовтың айтуынша, 47 жастағы автобус жүргізушісі қарсы бағытқа шығып кетіп, 26 жастағы жүргізуші басқарған УАЗ көлігімен бетпе-бет соқтығысқан.

Аталған дерек Қазақстан Республикасы Қылмыстық кодексінің 345-бабының 3-бөлігінде көзделген қылмыстық құқық бұзушылық белгілері бойынша Кеген аудандық полиция бөліміне тіркелді.