Дариға Назарбаева бұрынғы құдасы Боранбаевпен «Целинныйдың» ашылуында кездесті

Алматыдағы заманауи мәдениет орталығы – «Целинныйдың» ашылуына экс-президент Нұрсұлтан Назарбаевтың тұңғыш қызы Дариға Назарбаева қатысты, деп хабарлайды Orda.kz.

Ол бұл шараға өзінің бұрынғы құдасы, бизнесмен Қайрат Боранбаевты жеке құттықтау үшін келген. Өйткені бұл орталық жобасы оның есімімен бұрыннан байланысты.

Айта кетейік, «Целинныйдың» жөндеу жұмыстары 2018 жылы басталғанымен, орталық тек биыл, 5 қыркүйекте ашылды. Бұған пандемия мен кәсіпкердің қамауға алынуы да әсер етті. Қазір орталықта көрмелер өтіп жатыр, ал желтоқсаннан бастап кинокөрсетілімдер ұйымдастырылмақ.

Еске салсақ, Қайрат Боранбаев – Дариға Назарбаеваның бұрынғы құдасы. Оның қызы Әлима марқұм Айсұлтан Назарбаевқа тұрмысқа шыққан. Айсұлтан Назарбаев 2020 жылы қайтыс болды.