Дариға Назарбаева «Астана Опера» театры кеңесі құрамынан шығарылады

Мәдениет және ақпарат министрлігі 2013 жылғы 22 мамырдағы №512 қаулыға өзгерістер енгізуді көздейді. Бұл түзетулер «Астана Опера» мемлекеттік опера және балет театрының қамқоршылық кеңесі құрамына қатысты, деп хабарлайды Orda.kz.

Құжат «Ашық НҚА» порталында жарияланды.

Ұсынылған өзгеріске сәйкес, кеңес құрамынан бірнеше танымал тұлға шығарылмақ. Олардың қатарында Дариға Назарбаева, Тимур Құлыбаев, Кеңес Рақышев, Нұрлан Смағұлов, энергетика министрі Алмасадам Сәтқалиев, сондай-ақ ERG акционерлері Александр Машкевич пен Патох Шодиев бар.

«Бұл өзгеріс қамқоршылық кеңестің құрамын қазіргі кадрлық құрылымға сәйкестендіру қажеттілігіне байланысты енгізіліп жатыр, деп жазылған қаулы жобасының негіздемесінде.

Құжат 3 сәуірге дейін көпшілік талқылауында болады.