Дәрі-дәрмек қымбаттауы мүмкін

Дәрі-дәрмектің 2000-ға жуық түрі қымбаттауы мүмкін. Бұл туралы "Ашық НҚА" порталында жарияланған, деп хабарлайды Orda.kz порталы.

Алайда, Ақмарал Әлназарованың айтуынша, бұйрық әзірге тоқтатылды, себебі бағаның өсуі халықтың наразылығын тудыруы мүмкін.

Сонымен, жобаға сәйкес парацетамолдың құны 2,5 есе, йод – 2,1 есе, цефазолин – екі есе, ампициллин – 32,5%, бисакодил – 2,3 есе артуы мүмкін.

«1728 атау. Барлық топтар: антигистаминдер, антибиотиктер, жөтелге қарсы. Халық арасында ең жиі сатып алынатын және сұранысқа ие препараттар осы 1728 дәрі-дәрмек тобына кіреді. Сондықтан қазір қоғамда дүрбелең тудырмау үшін бүгін бұл бұйрық тоқтатылды», - деді Ақмарал Әлназарова.

Мамыр айында елімізде дәрі-дәрмек бағасының жылдық өсуі 11% болды, ал ЕАЭО-да бұл көрсеткіш орташа есеппен 4,2% шамасында. ҚР Денсаулық сақтау министрлігі дәрі-дәрмектің бағасы өсетінін, бірақ норма шегінде екенін атап өтті.