Дариға Назарбаеваны Nur Otan партиясының саяси кеңесінен шығарып жіберді

«Nur Otan» партиясының саяси кеңесінен тұңғыш президент Нұрсұлтан Назарбаевтың үлкен қызы Дариға Назарбаеваны шығарып жіберді.

Партияның бұрынғы төрағасы Нұрсұлтан Назарбаев ұсынған саяси кеңестің тізімінде сонымен қатар, бұрынғы премьер-министр Асқар Мамин, Nur Otan партиясы төрағасының орынбасары Бауыржан Байбек, мемлекеттік хатшы Ерлан Қарин, Алматы әкімі Бақытжан Сағынтаев, Қазақстан Республикасының Украина мен Молдовадағы елшісі Дархан Кәлетаев, Мәдениет және спорт министрі Дәурен Абаев, Қызылорда облысының әкімі Гүлшара Әбдіқалықова да жоқ.

Nur Otan саяси кеңесіне жаңадан келгендердің қатарында: Қ. И. Сәтбаев атындағы политехникалық университеттің ректоры Бегентаев, агробизнесмен Зенченко, президент әкімшілігінің басшысы Қошанов, бұрынғы футболшы Лория, Астана әкімінің орынбасары Оралов, мәжіліс депутаттары Саиров пен Сарым, саясатанушы Шибутов және тағы басқалар бар.

Өз орындарын сақтап қалғандар Мәжіліс спикері Нұрлан Нығматулин және Сенат спикері Мәулен Әшімбаев болып отыр.

«Нұр Отан» партиясының саяси кеңесіне барлығы 92 адам кіреді.

Еске салсақ, Қазақстан президенті Қасым-Жомарт Тоқаев биліктегі Nur Otan партиясының төрағасы қызметіне кірісті. Бұған дейін бұл орынды еліміздің тұңғыш президенті Нұрсұлтан Назарбаев атқарған болатын. Тоқаев бірауыздан «Нұр Отан» партиясының төрағасы болып сайланды.