Дариға Назарбаеваның депутаттық мандаты кімге берілетіні белгілі болды

ҚР тұңғыш президенті Нұрсұлтан Назарбаевтың қызы Дариға Назарбаева босатқан мәжіліс төрағасының орынбасарлығы лауазымы «Нұр Отан» партиясының мүшесі Саясат Нұрбекке беріледі.

Бұл туралы партияның атқарушы хатшысы Асхат Оралов хабарлады.

«Саяси кеңес бюросының шешімімен «Нұр Отан» партиясы парламенті мәжілісінің депутаттық мандатын партиялық тізім бойынша Саясат Нұрбекке беру туралы шешім қабылданды. Тиісті шешім Орталық сайлау комиссиясына (ОСК) жіберілді» деді Оралов.

Айта кетсек, Дариға Назарбаева қаңтар оқиғасы басталғалы бері мәжіліс отырысына келмеген. Оның көмекшісінің айтуынша, ол коронавирус жұқтырған. Ал расталмаған дереккөз бойынша Назарбаева осы уақытқа дейін Біріккен Араб Әмірліктерінің Дубай қаласында болған.

25 ақпан күні таңертең ол депутаттық мандатын қайтару туралы шешім қабылдағаны белгілі болды. Кейін ОСК Назарбаеваның мәжіліс депутаты ретіндегі өкілеттігін тоқтату туралы шешім қабылдады.