Дариға Назарбаева маңызды мәлімдеме жасады

Коронавирустық пандемия, экономикалық және әлеуметтік катаклизмдер әлемді адам танымастай өзгертті. Бұл туралы Еуразиялық медиафорумның ашылу салтанатында ұйымдастыру комитетінің төрайымы Дариға Назарбаева айтты.

Бұл туралы Orda.kz хабарлайды.

– Біз бұл кездесуді екі жыл күттік. Пандемияға байланысты екі жыл бойы алаңдаушылық пен қорқынышта өмір сүрдік, өкінішке орай, көпшілігіміз жақындарымыздан айрылдық. Осындай қиындықтарға қарамастан, біз бүгін сіздермен тағы да жиналдық. Биылғы жыл біздің еліміз үшін ерекше мәнге ие – бұл Қазақстан Республикасының тәуелсіздігінің 30 жылдығы. Тәуелсіздіктің 30 жылы – бейбітшіліктің 30 жылы және заманауи мемлекеттілік пен азаматтық қоғам институттарын құрудың 30 жылы, - деді Дариға Назарбаева.

Дариға Назарбаева 30 жыл бұрын Кеңес Одағының ыдырауы жаңа тәуелсіз мемлекеттердің құрылуына әкелгенін еске алды.

– Соңғы 30 жылдық тарих көрсеткендей, тұрақты саяси, әлеуметтік, экономикалық жүйесі, саяси және азаматтық мәдениеті қалыптаспаған дамушы елдерде даму траекториясы мемлекет басшысына байланысты. Әр түрлі саяси жүйелердің артықшылықтары туралы теориялық тұрғыдан ойлауға болады. Иә, бастапқы жағдайлар мен табиғи ресурстар орасан зор рөл атқарады, бірақ негізгі дүние – көшбасшының жеке басы, елдің әлемдегі орны мен оның болашағы туралы көзқарасы. Бұл тұрғыда Қазақстан тұңғыш президент – Елбасы Нұрсұлтан Назарбаевтың жеке еңбегінің арқасында ерекше орын алады. Оның басшылығымен біздің еліміз қысқа тарихи кезеңде шынайы, мемлекеттік егемендікке ие болудың, толыққанды заманауи экономика мен қарқынды дамып келе жатқан әлеуметтік саланы құру жолынан өтті, - деді ол.

Дариға Назарбаева бүгінгі Қазақстан әлемдік саясатта да, Орталық Азия аймағында да белсенді позицияны иеленетін жауапты мемлекет екенін атап өтті.

– Соңғы үш онжылдықта Қазақстан аймақтағы бейбітшілік пен қауіпсіздікке жауапты мемлекет ретінде әрекет етті. Қиын уақытта біз әрқашан бауырлас республикаларға көмектестік. Оларға азық-түлік, астық, жанармай, техникамен жібердік. Бәрімізді көршілес Ауғанстанда болып жатқан жағдай алаңдатып отыр, - деді ЕАҚҚ төрағасы.