Дариға Назарбаева КТК телеарнасын сата ма? – ресми жауап

«Коммерциялық телеарна» телеарнаның сатылуы және меншік иесінің ауысуы туралы ақпаратқа қатысты пікір білдірді. Ресми мәлімдеме арнаның сайтында жарияланған.

– Жақында бірқатар қазақстандық басылымдар телеарнаның сатылып, меншік иесінің ауысқаны туралы ақпарат жариялады. Бұл ақпарат шындыққа жанаспайды деп мәлімдейміз, - делінген мәлімдеме.

Арнаның сайтында жарияланған ақпаратқа сәйкес, телеарна акционерлерден заң талаптарына сәйкес компанияның акцияларын сатқаны туралы ешқандай хабарлама алмаған.

– Телеарна акционерлерден заң талаптарына сәйкес компанияның акцияларын сатқаны туралы ешқандай хабарлама алған жоқ. Жалған ақпарат таратқан БАҚ өкілдері түсініктеме алу үшін КТК телеарнасына жүгінген жоқ. Телеарнаның қызметі туралы нақты және ресми ақпаратты Цифрлық даму және қоғаммен байланыс бөлімінде +7 (727) 258 36 70 телефоны арқылы алуға болады, - делінген мәлімдемеде.

Айта кетейік, «КТК» АҚ-ның негізгі акционері – 91,35% акциясы бар Дариға Назарбаева басқаратын «Нұрсұлтан Назарбаев» жеке қоры.