Дархан Шәріпке феминистік шеруден кейін қоқан-лоқы көрсетілген

Oyan, Qazaqstan қозғалысының белсендісі Дархан Шәріп 8 наурыз Алматыда өткен феминистік шеруге қатысқан. Шарадан кейін белсендіге әлеуметтік желіде қоқан-лоқы көрсетіле бастаған. Бұл туралы ORDA. Vlast сайтына сілтеме жасап хабарлады.

— Біз марштан видео жарияладық, сол кезде біреу мені танып қалса керек. Постыма комментарий қалдырып, көршім екенін жазды. Содан кейін 15-ке жуық адам маған жекеге шығып, мені тауып алып, өлтіретінін, ұрып-соғатынын айтты. Қазақ тілінде неше түрлі жаман сөздер айтып, ЛГБТ-ны балағаттады, деді белсенді.

Дархан Шәріптің айтуынша, ол көрсетілген қоқан-лоқыны суретке түсіріп алып, адамдарға ескерту жасаған. Бірақ белсенді құқық қорғау органдары мұндай әрекеттерді реттейтіндігіне күмән келтіреді. Ол қоғамдағы мұндай реакция әйел құқығының ахуалын көрсетеді дейді.