Дархан Сатыбалды Түркістан облысының әкімі болды

31 тамызда мемлекет басшысы Түркістан облысының бұрынғы әкімі Өмірзақ Шөкеевтің отставкаға кетуін қабылдап, бірден облысқа жаңа басшыны тағайындады.

Шөкеев 24 тамызда отставкаға кету туралы өтініш жазған. Маусымның 15-і күні Өмірзақ Шөкеев қарамағындағы қызметкерінің сыбайлас жемқорлыққа қатысты кінәсі дәлелденсе қызметінен кетуге дайын екенін мәлімдеді.

Жаңа әкім осы уақытқа дейін Өзбекстандағы елші қызметін атқарған.

«Сатыбалды Дархан Амангелдіұлы Түркістан облысының әкімі болып тағайындалсын, ол Қазақстан Республикасының Өзбекстан Республикасындағы Төтенше және Өкілетті Елшісі қызметінен босатылсын»  делінген Мемлекет басшысының Жарлығының мәтінінде.

Сатыбалды туралы 1974 жылы Оңтүстік Қазақстан облысы, Абай ауылында дүниеге келгені белгілі.

Үйленген, төрт баласы бар.

Еңбек өтілі:

• 1996—1999 коммерциялық ұйымның аға экономисі, бас есепшісі;

• 2000-2002 жж. Қазақстан Республикасы Қаржы министрлігі Қаржылық бақылау комитетінің жетекші бақылаушысы – ревизоры;

• 2002-2004 жж. Қазақстан Республикасы Президенті Әкімшілігінің экономикалық талдау және бақылау бөлімінің референті, консультанты;

• 2004-2006 жылдары Қазақстан Республикасы Президенті Әкімшілігінің бюджеттік жоспарлау және қаржылық бақылау бөлімінің бас сарапшысы және сектор меңгерушісі;

• 2006 жылғы шілдеден желтоқсанға дейін - Астана қаласы Тұрғын үй басқармасының «Жылу» МКК директоры мінетін атқарушы;

• 2007-2008 жылдары - Қазақстан Республикасы Білім және ғылым министрлігі Бюджет департаменті директорының орынбасары;

• 2008-2009 жж. Білім және ғылым министрлігі Қаржы департаменті директорының орынбасары;

• 2009-2010 жж. Білім және ғылым министрлігі Ғылым комитеті төрағасының орынбасары;

• 2010-2011 жж. Қазақстан Республикасы Ұлттық қауіпсіздік комитетінің басқарма бастығы;

• 2011 жылғы тамызда Қазақстан Республикасы Премьер-Министрі Кеңсесінің әлеуметтік-экономикалық бөлімі меңгерушісінің орынбасары болып тағайындалды;

• 2013 ж. Оңтүстік Қазақстан облысы, Шымкент қаласының әкімі.