Дархан Қалетаев журналиске «ескерту» жасаған

Қазақстанның Украинадағы елшісі Дархан Қалетаев журналист Махамбет Абжанға ескерту жасап, денсаулығын ойлауды айтқан.

- Дархан Қалетаев менің Ulysmedia.kz-ке шыққан мақалама ренжіп, маған «денсаулығымды ойлауыма» кеңес берді. Сұхбат беру және өз ұстанымын айту туралы ұсынысқа ол: «Русский корабль» деп жауап берді. Дипломаттың этикасы осындай, - деп жазды журналист телеграм арнасында.

Кейін журналист Дархан Қалетаевтың кешірім сұрағанын айтып, мәселеге нүкте қойылғанын мәлімдеді.

- Дархан Қалетаев кешірім сұрады. Менің ойымша, сұрақ осымен аяқталды, - деп жазды ол.