Даниялық саясаткер құранды өртеді

Даниялық саясаткер Расмус Палудан Құранды тағы өртеп жіберді. Бұл жолы Ресейдің Даниядағы елшілігінің алдында.

Ол өзінің Instagram парақшасында Құранның өртенген видеосын жариялады. Бұл жолғы «акция» шешен тегі шведтік UFC жауынгері Хамзат Чимаевқа, сондай-ақ Шешенстан басшысы Рамзан Қадыровқа арналған.

- Хамзат Чимаевтың мені балағаттағаны ұят. Сондықтан мен Даниядағы Ресей елшілігінің алдында оның құрметіне кітап өртеп жіберуді жөн көрдім. Хамзат атышулы Рамзан Қадыров сияқты бұзақылық жасай бере ме? Мен оларға өзін дұрыс ұстауды үйретуім керек пе? - деп жазды ол.

Еске салайық, Қадыров Швециядағы түрік елшілігінде Құран алғаш рет өртелгеннен кейін Палуданды «жаһанның өнімі», сондай-ақ «шайтан ұрған» деп атаған. Чимаев Палуданның террорист екенін айтты.