Данияр Әділбековтың адвокаты журналистерге біршама мәліметтерді айтып берді

Данияр Әділбековтың адвокаты журналистерге ҰҚК қызығушылық танытып жүргенін жеткізді, деп хабарлайды Orda.kz порталы.

Еске сала кетейік, жуырда журналист Данияр Әділбековке қатысты іс жалған айыптаудан, жалған ақпарат таратуға ауыстырылды. Ал оның адвокаты Әділжан Мауытқанов өз пікірін айтты.

«Мен өз клиентіме ҰҚК қызметкерлері оның ісімен ғана емес, Даниярдан да басқа ақпарат алғысы келетінін жеткізгім келеді. Ол өзінің әріптестері – Александр Белиловский, Кирилл Павлов, Ернар Әкімқұлов, Асхат Ниязов, Самал Ибраева және Гүлнәр Бажкеноваға ҰҚК-нің үлкен қызығушылық танытқанын жеткізуді өтінді.
Қызығушылығы хаттамадан тыс, тергеу әрекеттерінен тыс, тергеуші мен адвокаттың қатысуынсыз. Бұл кешкі уақытта және камерасыз болады», – дейді адвокат Әділжан Мауытқанов.