Дана Әбдірова Перудегі әлем чемпионатында күміс жүлдегер атанды

Дана Әбдірова дзюдодан Перу астанасы Лимада өтіп жатқан жасөспірімдер арасындағы әлем чемпионатында күміс жүлдегер атанды, деп хабарлайды Orda.kz.

Бұл – Қазақстан құрамасының қоржынына түскен алғашқы медаль.

Чемпионаттың алғашқы күнінде қазақстандық спортшы 57 келіге дейінгі салмақ дәрежесінде татамиге шықты. Ол іріктеу кезеңдерінде қарсыластарының барлығын жеңіп, финалға жолдама алды.

Шешуші белдесуде Әбдірова жапон спортшысы Мио Шираканеге қарсы күресті. Тартысты өткен кездесуде қарсыласы жеңіске жеткенімен, Дана Әбдірова әлем чемпионатының күміс жүлдесін иеленді.