Дағыстандық азамат Атырау халқына көмектесті

Атыраулықтарға көмектесу мақсатында дағыстандық азамат бір күн бойы жол жүріп келген, деп хабарлайды Orda.kz порталы.

«Туысқандарым әлеуметтік желіден Қазақстанның Ресеймен шекаралас аймақтарында тасқын судан қорғаныс бөгетін бекіту үшін қап жетіспейді деген ақпаратты оқыпты. Олар бұл ақпаратты маған жеткізді. Содан соң бауырлас елге көмек беру үшін таныстарымнан қап іздей бастадым. Досымның зат сақтайтын қоймасы бар еді. Түнгі сағат 02:00 шамасында сол қоймадан жүк таситын ГАЗель көлігіме 50 қапты тиеп, жолға шықтым. Атырауға тезірек жету үшін түнімен жол жүрдім», – дейді дағыстандық азамат. 

Оның сөзінше, қазақстандықтарға қолдан келгенше көмек қолын созу.

«Тұратын еліміз бөлек болғанымен, қиындық кезде бір-бірімізге қолдау көрсетуіміз керек. Мақсатым – туысқан халықтың осындай қиындықтан аман қалуына үлесімді қосу», – дейді ол.