Дағыстан Ресейге қарсы бас көтерді

Дағыстан Республикасының (Ресей Федерациясының Солтүстік Кавказ федералды округі) елді мекендерінде жартылай мобилизацияға қарсы наразылықтар басталды.

Бұл туралы жергілікті БАҚ хабарлайды.

Көптеген елді мекендерде алдын ала хабарланған акциялар өтіп жатыр. Республика астанасы Махачкалада ауқымды митинг жарияланды. Акцияға жиналу сағат 15:00-ден 16:00-ге дейін жоспарланған болатын, наразылық білдірушілер өз әрекеттерін Telegram арқылы ұйымдастырып жатыр.

Белсенділер әр ауданда шағын топ болып жиналып, кейіннен бірігіп «Соғысқа, жұмылдыруға болмайды» деп қаланың орталық көшелерін толтыруға ниетті.

– Олар бізден сұрады ма, неге барлығы бір жерге жиналмасқа? Мен жауап беремін: қазір біз үшін адамдарды бірге және ұйымдасқан түрде шығуға үйрету маңызды, қазіргі кезеңде ең бастысы қауіпсіздік. Мұндай стратегиямен, олардың бізге қарсы тұруға адам ресурстары жетпейді, – деп түсіндіреді ұйымдастырушылар.

Ұйымдастырушылар наразылық шарасын түнде де жалғастыру ниеттерін мәлімдеп отыр, сондықтан наразылық білдірушілерден алдын ала тамақтарын дайындап, байланыс құралдарын қуаттап, акцияға ыңғайлы киіммен шығуды сұрады.

Дағыстанда Ендірей ауылының тұрғындары жұмылдыруға наразылық білдіріп, Хасавюрт-Махачкала федералды тас жолын жауып тастады. Полиция аспанға оқ атты.

Ендірейде құмық халқы тұрады – шағын халықтардың бірі. Ауыл тұрғындарының айтуынша, қазірдің өзінде ол жерден жүзден астам адамды ішінара жұмылдыруға қосқан.