Даңқ мемориалын тонағандар ұсталды

Алматыда өткен аптада 28 панфиловшылар саябағында Батырлар аллеясындағы мемориалдық ескерткіштерді бүлдіріп, гранит тақтайшаларын сындырған қорлаушылар ұсталды.

Оқиға 4 наурызда 28-Панфиловшылар саябағында болған, өтіп бара жатқандар Батырлар аллеясының тұғырынан екі әріп пен 13 тақта жазуының  жоғалғанын байқаған.

— Қылмыстық істер  Қазақстан Республикасы Қылмыстық кодексінің 188-бабының 3-бөлігі «Адамдар тобының алдын ала сөз байласу бойынша, аса ірі мөлшерде жасаған ұрлығы» және 1-б. 294 Қазақстан Республикасының Қылмыстық кодексi «вандализм» ретінде қаралады. Арнайы тергеу-жедел тобы құрылды, - деді Алматы қалалық полиция департаменті бастығының жедел-іздестіру жұмыстары жөніндегі орынбасары Рустам Әбдірахманов.

Оның айтуынша, тонаушылар бірден іздестірілген. Бастапқыда  көлік анықталған. Үш күдікті (1996 және 1997 ж.т.) болған. Олар Алматы облысы Еңбекшіқазақ ауданына қарасты ауылдардың бірінің тұрғындары. Ұсталғандар полицияға  тақтайшалар мен жазбаларды  металл сынықтары ретінде өткізу  үшін ұрлап кеткенін мойындады.

— Біз жедел түрде ұрланған мүлікті сату бағытын анықтадық және ұрланған мүлікті сатып алуға қатысы бар тағы үш айыпталушыны ұстадық. Олар да сол ауылдың тұрғындары. Соңғы нүкте – Алматы қаласы Түрксіб ауданындағы Бекмаханов көшесі бойындағы металл қабылдау пункті болған. Батырлар аллеясының жазулары мен тақтайшалары қорытуға дайындалған, - деді басшының орынбасары Рустам Әбдірахманов.

Жалпы салмағы 44,5 келі  болатын жез заттай айғақ ретінде тәркіленді. Қазақстан Республикасының Қылмыстық кодексінің  196 бабының 1-бөлігі  бойынша қылмыстық іс қозғалды. Қабылдаушылар  да Алматы қалалық полиция департаментінің уақытша ұстау изоляторына қамалды. Сотқа дейінгі тергеп-тексеру Медеу ауданындық полиция басқармасы тергеушілеріне тапсырылды.

Еске сала кетейік, бұған дейін Orda.kz қаңтардағы тәртіпсіздік кезінде вандалдар Алматыдағы  ескерткіштерді қалай қорлағаны туралы жазған болатын.