Дәулет Мұқаев той үшін несие алатын қазақтарға кеңес берді
Блогер Дәулет Мұқаев қазақтардың дүркіретіп тойлайтын кештеріне қатысты пікір білдірді. Оның айтуынша, халық елдегі жағдайға қарамастан, той жасауға несие алудан тайынбайды. Салдарынан енді ғана шаңырақ көтерген жас отбасы қарыз жабуына тура келеді.
Ол Динара Сәтжанға берген сұхбатында қазақтарға той жасамастан бұрын ойланып алуға кеңес берді.
Сондай-ақ, блогер басында баспанасы жоқ, бірақ бренд киімдер киетін адамдарды сынға алды. Қазіргі таңда өзінде төрт үйі бар екенін де ашық айтты.
«Бірінші кезекте өзінен аямау керек. Бірақ өзіңнен аямау керек екен деп, қарызға, Kaspi бөліп төлеуге киім алу дұрыс емес. Өзің өмірге бір-ақ рет келгеннен кейін, жақсыны көруге ұмтылу керек. Бірақ оның да шегі болады.
Пандемия кезінде талай адамды көрдім. Өткенде бір танысым, танымал адам үйі жоқ әлі күнге дейін, бірақ ол «Dior-дың 800-900 мың теңге тұратын сөмкесі бар» деп мақтанады. Dior-ың құрысын дедім, үйің жоқ, несіне мақтанасың? Бәрін жасап ал, әрі қарай бренд қуасың ба, өзің білесің» деді Дәулет Мұқаев.
Сонымен қатар, ол жылдап жинағанын той жасауға құртатын қазақтарды да түсінбейтінін алға тартты.
«Той да солай. 5 сағаттық тойға 5 жыл төлейтін кредит алады. Одан кейін екі жас ажырасады.
Жағдайың бар ма, Нұр-Сұлтанда 30 мың адамдық стадион бос тұр, сонда той жаса. Жағдайың жоқ па, көрпеңе қарай көсіл. Ұят болады дегеннің бәрі бос сөз.
Ертеңгі күні несие төлей алмай отырсаң, ұяттың көкесі сонда болады. Той өтті, елдің бәрі жеді, пакетке салды, ысырап жасады, кетті. Ал ертеңгі күні екі жас қиналған кезде, сол тойға келген адамның біреуі «қиналып қалыпсыңдар, кредиттеріңді төлеп берейін» деп келе ме?
Той болу керек, бірақ әркімнің шамасына қарай. Той - Тәңірдің қазынасы. Тойдың арқасында біз қазақтығымызды жоғалтпай отырмыз. Бірақ микрокредиттік ұйымдардан 2 млн кредит алып, соны 5 млн етіп қайтарып отырған адамдар бар. Одан да екі жақтан кеткен ақшаны қосып, бастапқы жарна ретінде жастарға беріп, үй алуға болады» деді блогер.
Дәулет Мұқаев баспана алуды арман еткендерге оның шартымен бөлісті.
«Ең бірінші кеңес, тірі адам тіршілігін жасау керек. Отырсақ отыра береміз. Анау қымбат, мынау қымбат, заман сондай деп негативтің бәрін бойымызға жинап алатын болсақ, энергиямызды жоғалтып, әлсіз адамға айналамыз. Ал егер де «жоқ жасаймын, қолымнан келеді, айналамды өзгертемін, соған қарай талпынамын» дейтін болса, ол адам күш-қуат жинайды. Ал адамның бойындағы энергия түбінде ақшаға алып келеді» дейді Мұқаев.
Жаңалықтар
- Катар Шығыс Қазақстанда су электр станциясын салуы мүмкін
- Бюджет шығыстарының төрттен бірі мемлекеттік қарызды өтеуге жұмсалады
- Су тасқынының екінші толқыны екі облыста жалғасуда
- Қазақстан әйелдер денсаулығының әлемдік рейтингінде Ұлыбритания, Франция және Ресейден алда
- Астанада рейд кезінде тәркіленген 10 тонна насыбай өртенді
- Құлсарыда тәулігіне 70 мың текше метр су сорылды
- Жоғары Еуразиялық экономикалық кеңестің мерейтойлық саммитіндегі Тоқаевтың сөзі
- Жастар арасындағы Азия чемпионатында қазақ боксшылары 14 алтын медаль жеңіп алды
- 1 маусымда Алматыда орташа жол жөндеу жұмыстары басталады
- Беларусьте тактикалық ядролық қару сынақтан өтеді
- Қырғызстан Қазақстанға транзиттік тәуелділігін азайтпақ
- Батырдың жүз жылдығына орай Астана мектебіне Рақымжан Қошқарбаевтың есімі берілді
- Jusan Bank-тің жай акцияларының иелері дивиденд алмайды
- Голан төбесінде Қазақстан туы желбіреді
- Қырғызстан мен Тәжікстан шекарасында атыс: зардап шеккендер бар
- Тоқаев «Отан Ана» мемориалына гүл шоқтарын қойып, ардагерлерді Жеңіс күнімен құттықтады
- Мәслихат депутаттарына жәрдемақы төленеді
- Астанаға бара жатқан жас домбырашылар пойыз жолаушыларын өнерлерімен баурап алды
- Түркістан облысында жаппай төбелес: полицейлер күдіктілерді ұстады
- Украинаның барлық аумағында әуе шабуылы туралы ескерту жарияланды