Дәстүрлі форматта оқитындарға қатысты жаңа қаулы шықты

Студенттер мен оқушылардың дәстүрлі форматта оқуына қатысты ҚР бас санитар дәрігері Ерлан Қиясов жаңа қаулы жариялады.

Бұл туралы Orda.kz хабаралайды.

Қабылданған қаулы құжат есебінде еліміздің барлық оқу орындарына қатысты. Облыс, Алматы, Нұр-Сұлтан және Шымкент қалаларының әкімдеріне, білім және ғылым министрлігіне, барлық меншік нысанындағы және ведомстволық бағыныстағы білім беру ұйымдарының басшыларына жаңа оқу жылында мынадай сақтық шараларын ұйымдастыру жүктелген:

• педагогтер мен персоналдың 100% вакциналануы (тұрақты медициналық қарсы көрсетілімдері бар, COVID-19 ауырып сауыққан, сауыққанына 3 ай өтпеген адамдарды қоспағанда);
• ұйымға кіру кезінде Ashyq қосымшасын енгізу (педагогтарды, персоналды, ата-аналарды (заңды өкілдерді), 18 және одан жоғары жастағы білім алатын келушілерді QR-код (check-in) бойынша тіркеу);
• маска режимін сақтау;
• рециркуляторлардың, санитайзерлердің, тері антисептиктерінің, дезинфекциялау және жуу құралдарының жеткілікті санымен қамтамасыз ету;
• үй-жайларды жинау және дезинфекциялау жиілігін арттыру;
• үй-жайларды ылғалды жинау және дезинфекциялау, үй-жайлардың ауасын желдету және зарарсыздандыру режиміне қойылатын талаптарды сақтау;
• педагогтердің, персоналдың және білім алушылардың күнделікті «кіру» сүзгісі (байланыссыз термометрмен термометрия);
• бұқаралық іс-шараларды өткізуге тыйым салу (мәдени, тәрбие, сыныптан тыс және ата-аналар жиналыстары және т. б.);
• мектепке дейінгі және орта білім беру ұйымдарында топтар мен сыныптарды біріктіре отырып іс-шаралар өткізуге тыйым салу;
• зертханалық, практикалық сабақтарды қоспағанда, кабинеттік оқыту жүйесін болдырмау;
• бастауыш, орта және жоғары сынып оқушыларын бөлек ұстау (сабақтың басталу уақыты бойынша ең жоғары мүмкіндікті ескере отырып) жағдайларында оқыту.

Қаулы қол қойылған күннен бастап күшіне енеді. Қаулымен толық танысу үшін төмендеге сілтемеге өтіңіз:

Қаулы 25 тамыз