Дәрігерлер қарағандылық қызға екі түрлі вакцина салып жіберген

Қарағанды облысының денсаулық сақтау басқармасы дәрігерлер шатасып, екі түрлі вакцина салып жіберген 19 жастағы бойжеткеннің денсаулығы жайлы мәлімдеді.

Бұл туралы  Orda.kz   хабарлады  

Басқарма өкілдерінің сөзі бойынша бойжеткеннің денсаулығы қанағаттанарлық. Қазір ол дәрігерлердің жіті бақылауына алынған. 

— Мұндай жағдайдың болғаны рас, бірақ облыста екінші рет қайталанған жоқ. Қазір біз науқастың жағдайын қадағалаудамыз. Екпеден кейін ешқандай асқыну белгілері байқалмады. Екпенің екінші дозасын алған соң да оның ағзасында кері әсер байқалмаған. Қазір оның жағдайы қанағаттанарлық, - деді мамандар. 

Еске салсақ, вакцинаның екінші дозасын алуға келген қызға басқа екпенің компонентін салып жіберген. Қателік жіберген медбике жұмыстан  шеттетілген.