Дәрігер науқастарын 40 жыл ұрықтандырып, 9 мың баланың әкесі атанды

Детройтта (АҚШ) 104 жастағы Филипп Певен дәрігер жұмыс істеген. Ол 40 жылдан астам уақыт пациенттерді ұрықтандырып, нәтижесінде 9 мыңға жуық баланың әкесі атанды. Бұл туралы британдық The Sun таблоиды жазды.

Газет жазбасына сүйенсек, ер адам үнемі жүкті болғысы келетін клиенттер үшін ұрықтандыру жұмысын атқарған. Оның биологиялық қыздарының бірі Джейми Холл әкесін табуға шешім қабылдаған. Сөйтіп, ДНҚ тестінен өтіп, нәтижесінде өзінің биологиялық әкесі Филипп Певен екенін білді.

Бойжеткен бұымен тоқтамай, қандас бауырларын іздеуді ұйғарады. Ол мұны 23andMe биотехнологиялық компаниясының сайты арқылы жүзеге асырады. Сөйтіп, ол сайттан тапқан барлық әлеуетті туыстарымен байланыса бастайды. 2020 жылдың қаңтарында Холл өзінің әпкесімен бірге Певенмен кездесуді ұйғарады.

Зейнеткер әкесі өзінің материалдарын клиенттерді ұрықтандыру үшін қолданғанын мойындады. Бірақ, оның айтуынша жалғыз ол ғана емес, дәрігер-әріптестері де кейде донор рөлін атқарып отырған.

«Мен бұдан ешқандай жамандық көрмеймін. Барлық әйелдер, оның ішінде сәби сүйгісі келетін аналар оған үмітсіздікпен келді. Дәрігер оларға қажеттісін берді. Менің ойымша, ол адамдарға көмектесуге тырысты. Онсыз мен қазір болмас едім», - дейді Джейми Холл басылымға берген сұхбатында.