Дәрігер коронавирустың балалар үшін қорқынышты салдарын атады

Ресейлік дәрігер Григорий Шеянов коронавирустың кішкентай балаларға тигізетін қорқынышты салдарын атады, деп хабарлайды ORDA Ura.ru-ға сілтеме жасап.

Егде жастағы адамдар коронавирустық аурудың негізгі қауіп тобына жатқызылғанына қарамастан, дәрігер ауырған кез-келген адамның денсаулығын мұқият бақылауға кеңес береді.

Дәрігердің айтуы бойынша, коронавирус балалардағы көп жүйелі қабынудың пайда болуына түрткі болуы мүмкін. Ауру коронавирус диагнозы қойылған 8-11 жастағы балаларда кездеседі.

— Егер коронавирус, летаргия, интоксикация белгілері байқалып, баланың температурасы өте жоғары болса, шұғыл тексеру қажет. Басқа белгілерге фарингит, мойын лимфа түйіндерінің ісінуі, конъюнктивит және еріннің қызаруы жатады, деді Шейянов.

Дәрігер уақтылы тексерілуді кешіктіруге болмайтынын ескертеді, өйткені ауру тез тарайды.

Коронавирустың ұзақ мерзімді салдары болашақтың маңызды проблемаларының бірі дейді ғалымдар. Кейбір сарапшылар инфекцияны созылмалы ауру деп таныған.