Дүниежүзілік денсаулық сақтау ұйымы көп қимылдауға кеңес береді

ДДСҰ-ы адамдардың физикалық белсенділігіне байланысты ұсыныстарды жаңартты.

Кеңеске сәйкес, ересек адам аптасына 300 минут жаттығу жасауы керек. Осыған дейін 150 минут болған. Балалар мен жеткіншектер, әдеттегідей, күніне бір сағат жасауы керек.

Пандемия кезінде көбі үйде отыруға мәжбүр. Сондықтан мамандардың кеңестерін ұстанған абзал. Егер адамдар көп қимылдаса, бес миллионға жуық адамды тірі алып қалуға болады. Статистикаға сүйенсек, ересек адамдардың 25%, балалардың 80% күнделікті белсенді емес.

Рюдигер Креч, ДДСҰ денсаулықты нығайту департаментінің директоры:

«Адамдардың физикалық белсенділігінің азайып, аз қозғалуы салдарынан 2016 жылы оларға медициналық көмек көрсету үшін қосымша 54 миллиард доллар жұмсалған. Ал жұмыс өнімділігінің төмендеуі кесірінен экономикаға 14 миллиард доллар шығын келді. Сондықтан тағы да ауырып ем іздегенше, ауырмайтын жол ізде дегіміз келеді. Көп қозғалсаңыздар, тек жүрек аурулары, қатерлі ісік пен қант диабетінің ғана алдын алып қоймайсыздар. Сондай-ақ күйзеліске жол бермей, есте сақтау қабілетіңізді жақсартуға да болады», - дейді.