Дүниежүзілік қазақтар құрылтайынан Назарбаевтың мұрағаттық суреттері жарияланды

Тұңғыш президенттің баспасөз қызметі Нұрсұлтан Назарбаевтың 1992 жылы Дүниежүзі қазақтарының құрылтайы кезінде түсірілген мұрағаттық фотосуретін жариялады.

– Біз шетелде тұратын және Қазақстанның дамуына өз үлесін қосу үшін қайтып оралуға дайын әрбір қазаққа әрқашан қуаныштымыз. Елім, жерім деп еңіреген әрбір қазаққа Қазақстанның есігі әрқашан ашық. Ешкімге шектеу жоқ!, – деп мәлімдеді Назарбаев 1992 жылы.

Алматыда 30 қыркүйекте қазақтардың бірінші дүниежүзілік құрылтайы ашылды. Оған 1 200 адам қатысты. Оның ішінде әлемнің 13 елінен: Түркия, Иран, Моңғолия, АҚШ, Қытай, Австралия, Германия, Англия, Америка және т.б. делегаттар қатысты.

Сол құрылтай кезінде Дүниежүзі қазақтары қауымдастығы құрылды. Құрылтайға қатысушылар еліміздің ежелгі саяси, тарихи және мәдени орталықтары – Түркістан, Жезқазған, Ұлытау аймақтарын аралады. Бұдан басқа, олар Қазақстан халқына, әлемнің барлық мемлекеттері мен халықтарына және олардың үкіметтеріне үндеу қабылдады.

Қабылданған шешімдер нәтижесінде және «көшіп келу туралы» 1992 жылғы 26 маусымдағы № 1437 заңның негізінде бірінші Дүниежүзілік құрылтай қоғамдық маңызы бар мемлекеттік мақсаттарды айқындады. Олардың бірі шетелдік қазақтардың тарихи Отанына қоныс аударуын қамтамасыз ету міндетін әзірлеу және шешу қажеттілігі болды.