Дәлелденбеген: «Лидокаин COVID-19 емдейді»

Қазақстандықтар Узденов есімді жалпы тәжірибе дәрігері COVID-19-ды екі күнде қалай емдеуге болатыны туралы әңгімелейтін видеоны желі ішінде таратуда. Оның пікірінше, лидокаин – күшті емдік препарат. Алайда бұған ғылыми дәлел жоқ. Бұл туралы stopfake хабарлады.

Дәрігер лидокаиннің артықшылықтары туралы тұжырымды өзінің зерттеуіне сүйеніп бөлісуде. Зерттеуге 22 адам қатысқан. Оның ішінде 17-сі лидокоинмен емделген. Қалғаны бекітілген хаттама бойынша емделген. Дәрігер лидокаинмен емделген 17 науқастың барлығы екінші күні жақсарғанын айтады. Айта кетсек, бұл зерттеу еш жерде жарияланбаған және сәйкесінше қаралмаған. Сондай-ақ, дәрігер ешқандай ақпарат көздеріне сілтеме жасамайды және тек жеке тәжірибесі туралы айтады. Осылайша, бұл тұжырымдарды сенімді деп санауға болмайды.

Басылым бейнежазбада айтылған ақпарат негізсіз деп қорытынды жасауға болады.