«Дүкенге өзі барып келеді»: Илон Маск гуманоид робот жасап шығарды

Жасанды интеллект күні Илон Маск Optimus атты гуманоид роботты жасап шығарды. Tesla Bot ұсақ тапсырмаларды орындай алады, мысалы, дүкенге барып, керек өнімдерді алып келеді.

Бұл туралы Orda.kz хабарлайды.

Teslarati порталының хабарлауынша, робот платформасы – адам денесінің көшірмесі. Робот 2022 жылы қолжетімді болады деп күтілуде.

Роботты жасауға қатысқан адамдар Tesla көліктерінде қолданылатын көптеген технологияларды роботқа да пайдаланатындарын айтты. Платформа бойынша бет орнына экран орналастырылған. Роботтың бойы 172 сантиметр, салмағы 57 келі болады.

Tesla негізін қалаушы Маск Optimus роботы сайып келгенде адамдар жасай алатын ең «қауіпті тапсырмаларды да» орындай алатынын айтты.