Цукерберг әлеуметтік желілердің істен шығу себебін айтты

Facebook-тің негізін қалаушы және басшысы Марк Цукерберг өзінің Facebook парақшасында әлеуметтік желілердің не себепті жұмыс істемей қалғаны туралы айтты.

Бұл туралы Orda.kz хабарлайды.

– Facebook, Instagram, WhatsApp және Messenger жұмысын жалғастырады. Бүгінгі сәтсіздік үшін кешірім сұраймыз. Жақын адамдармен байланыста болу үшін біздің қызметтерге қаншалықты сенетіндеріңізді білемін, - деп жазды Цукерберг.

Facebook желісінің істен шығуына динамикалық хаттамасының жаңаруы себеп болған. Бұл туралы компания қызметкері айтты.

Кеше WhatsApp, Instagram және Facebook желілері бүкіл әлемде уақытша жұмысын тоқтатты. Сонымен қатар, пайдаланушылар Twitter, Telegram, TikTok, Snapchat және Google мен Amazon қызметтерінің сәтсіздіктеріне жаппай шағымдана бастады.