COVID-19: екі екпенің арасы қанша уақыт болу керек?

Премьер-министр Асқар Маминнің төрағалығымен өткен үкімет отырысында санитарлық-эпидемиологиялық ахуал қаралды.

Бұл туралы Orda.kz хабарлады.

Вирустың көбею индексі 0,98 құрайды. Аурухана төсектерінің жұмыспен қамтылуы - 36%, қарқынды терапия - 28%.

«Қызыл аймақта» алты өңір бар: Нұр-Сұлтан, Алматы, Батыс Қазақстан, Ақмола, Қарағанды, Атырау облыстары.

Бірінші екпені 1,9 млн-ға жуық адам, екінші екпені 800 мың адам салдырды.

Асқар Мамин Денсаулық сақтау министрлігіне екі екпе арасы қанша уақыт болу керектігін нақты белгілеуді тапсырды.

Сондай-ақ, үкімет отырысы кезінде ҚР Денсаулық сақтау министрі Алексей Цой Қазақстанның санитарлық-эпидемиологиялық ахуалы орныққаны туралы хабарлады.