COVID-19-ға қарсы екпе салдырмаған оқушыларды мектепке жібермей ме?

Facebook-те COVID-19-ға қарсы вакциналанбаған балаларды мектепке жібермейді, ал вакциналаудан бас тарту мектеп оқушыларын білім алу конституциялық құқығынан айыратыны туралы хабарлама тарады.

Бұл туралы Orda.kz stopfake.kz сайтына сілтеме жасап хабарлайды.

– Біріншіден, Pfizer/BioNTech вакцинасының алғашқы партиясы осы жылдың қазан айында, яғни оқу жылы басталғаннан кейін әкелінуі мүмкін. Екіншіден, денсаулық сақтау министрінің өзі хабарлағандай, балаларды COVID-19-ға қарсы вакциналау тек ерікті түрде ғана жүргізіледі және кәмелетке толмағандар ата-аналарының келісімімен ғана егіледі.

Демек, екпе салдырмаған балаларды білім алуға конституциялық құқығынан айырады деген қауесет негізсіз және шындыққа жанаспайды. Қазақстандық оқушылар вакциналау мәртебесіне қарамастан білім алатын болады, - делінген хабарламада.

Демек, бұл ақпарат жалған.