Cот-медициналық сараптама үшін енді мәйітті «соймайды»

Cот-медициналық сараптама шараларын дәстүр мен дінге сай ету үшін «виртуалды аутопсия» енгізілмек, бұл мәйітті компьютерлік томография көмегімен зерттеуге мүмкіндік береді,  деп хабарлайды  Orda.kz.

Бұл туралы әділет министрі Ерлан Сәрсембаев үкімет отырысында айтты.

«Сот-медициналық сараптама жұмысында қиындықтар туындап тұрады. Атап айтқанда діни көзқарасына байланысты көбі мәйітті сойып, оның ішкі ағзаларын зерттеуге қарсылық білдіреді. Мұндай жағдайда олар арыз жазып, оның өліміне не себеп болуы мүмкін екенін дәлелдеп, марқұмның денесін алып кетуге құқылы», — деді Сәрсенбаев.

Министр сондай-ақ жақын арада Қазақстанда бірнеше сараптама түрлері автоматтандырылатынын айтып, бұл адам факторымен байланысты қателіктерді болдырмауға мүмкіндік беретінін мәлімдеді.

«Бұл сарапшының зерттеу барысында жасаған әрекеттерін қадағалауға, сондай-ақ зерттеу, әрекеттер мен әрекетсіздіктен туындаған ауытқуларды алдын ала ескертуге мүмкіндік береді. Сондай-ақ, зерттеулерді жүйе ішінде жүргізу және адам факторы «қателіктерін» болдырмау үшін арнайы функция қарастырылады», — деп түсіндірді ол.