Cот Джо Байденнің ұлын заңсыз қару ұстағаны үшін кінәлі деп таныды

Сот АҚШ президенті Джо Байденнің ұлы Хантер Байденді заңсыз қару ұстағаны үшін кінәлі деп таныды. Ол 2018 жылы қаруды сатып алу кезінде есірткі қолданғанын жасырып қалған.

Бұл туралы CNN телеарнасы хабарлайды.

Хантер Байденге 3 тармақ бойынша айып тағылып отыр. Ол Делавэр қаласының қару-жарақ дүкенінде Кольт револьверін сатып алғанда өзі жайлы жалған ақпарат бергені үшін айыпты деп танылды. Қару алған кезде ол крэк-кокаинді тұрақты қолданып жүрген. 

Хантер Байденге сот үкімі 120 күн ішінде шығады. Ол 25 жылға бас бостандығынан айырылуы мүмкін. Джо Байден «тағдырдың бұйырғанына көндігетінін» және «кешірім беру» құқығын пайдаланбайтынын айтты.  

«Мен президентпін, сонымен қатар әкемін. Джил екеуміз ұлымызды жақсы көреміз және оның қазіргі адами болмысын мақтан тұтамыз. Есірткіге тәуелді жақынының күресін, жігерін көргенде сезінетін мақтанышты басқа да нашақорлықпен күрескен жақындары бар отбасылар сияқты біз де түсінеміз. Өткен аптада айтқанымдай, Хантер аппеляцияға бергенше сот үкіміне көніп, сот процесіне құрметпен қараймын. Джил екеуміз әрқашан Хантермен бірге болып, барынша қолдау көрсететін боламыз. Мұны ештеңе өзгерте алмайды» , – деді АҚШ президенті.