Цой тұмауға қарсы вакцина салдырды

Қазақстанда 15 қыркүйектен бастап ЖРВИ мен тұмауға қарсы маусымдық вакциналау басталады. Тұмауға қарсы екпені алғашқылардың бірі болып Денсаулық сақтау министрі Алексей Цой салдырды.

Бұл туралы Orda.kz ДСМ сайтына сілтеме жасап хабарлайды.

Қазақстанда ЖРВИ мен тұмауға қарсы екпе 15 қыркүйектен басталады және 15 қарашаға дейін жалғасады. Денсаулық сақтау вице-министрі Марат Шорановтың айтуынша, биыл бюджет қаражатына 2,5 миллион доза Ресейде жасалған Grippol Plus вакцинасы сатып алынған. Бұл ел халқының шамамен 13 пайызын қамтиды.

Денсаулық сақтау министрлігі басшысы Алексей Цой Нұр-Сұлтан қаласының № 6 қалалық емханасында екпе салдырды.

– Биылғы жылы халықты вакциналау өте маңызды, өйткені коронавирустық пандемия жағдайында аурушаңдық деңгейі пайда болуы мүмкін, содан кейін тұрақтылықты сақтау қиын болады. Сондықтан, бұл жолы екпе салуды екі апта бұрын бастадық. Мен сіздерге үлгі бола отырып, Қазақстан сатып алатын вакцина қауіпсіз екенін, барлық қажетті зертханалық сынақтар мен сапа бақылауынан өткенін көрсеткім келеді, - деді Алексей Цой.