Цой екпе алғандардың вирустан неге өліп жатқанын түсіндірді

Денсаулық сақтау министрі Алексей Цой үкімет отырысында коронавирустан көз жұмғандардың 2,3%-ы екпе алғандар деп мәлімдеді.

Бұл туралы Orda.kz хабарлады.

 – Вакциналаудың тиімділігін бағалау кезінде анықталғандай, аурудың 99,9% вакциналанбаған науқастарға тиесілі. Сонымен қатар, вакциналаудан кейінгі жағдайлардың үлесі тек 0,1% құрайды. Covid-19 өлімінің үлесі вакцинацияланбағандар арасында 97,7% болды, ал вакцинацияланғандар 2,3% құрады. Сонымен қатар, вакциналанған науқастарда созылмалы ауыр аурулар болған, - деді Алексей Цой.

Оның айтуынша, бұл Covid-19 ауыр зардаптарының алдын алуда вакциналаудың тиімділігін тағы бір рет дәлелдейді. «Дельта» штамының таралуын және вакциналаумен қамтуды ескере отырып, болжам бойынша, елдегі эпидемиологиялық жағдай оптимистік сценарий бойынша өзгеруде.

Бүгінгі таңда тұрғындардың 59%-ы Covid-19 вакцинасының бірінші компонентімен, ал екіншісімен 45,2% егілді. Үздік көрсеткіштер Шымкент қаласында (72,6 / 58,3%), нашар көрсеткіштер Маңғыстау облысында (33 / 22,6%).

Денсаулық сақтау министрінің айтуынша, тамыз айының басынан бері Қазақстанда Covid-19 ауруының өсу қарқыны төмендеді, Нұр-Сұлтандағы эпидемиологиялық жағдай тұрақталды.