Цой: министрліктен кету туралы шешімді 8 ай бұрын қабылдадым

Алексей Цой денсаулық сақтау министрі лауазымынан кету туралы осыдан сегіз ай бұрын шешкені жайлы айтып берді.

Бұл туралы Алексей Цой «Ошакбаев.LIVE» бағдарламасында бөлісті.

Экс-министрдің айтуынша, отставкаға кету туралы шешімді қашан қабылдағаны туралы сөз қозғады.

– Қазір көптеген адамдар бұл туралы сұрап жатыр. Өз жазбамда да айтқан едім. Бірақ, кем дегенде, бұл шешім сегіз ай бұрын қабылданды. Сол кезде мен өзім үшін «мемлекеттік қызмет форматында емес, басқа бағытта дамығым келеді» деген ойға тоқталдым. Ғылыми ортада, азаматтық секторда көбірек жұмыс істеймін. Инновациялармен айналысамын, – деді экс-министр.

Оның айтуынша, өзі басқарған кезде ведомство бәріне мейлінше ашық болған.

– Біздің министрлік сияқты өзге ведомстволар журналистермен осыншалықты жиі кездеспеген болар. Тек орталық коммуникациялар орталығының өзінде 27 рет брифинге шықтым. Оның бәрі уақыт алатынын түсіну керек. Бір брифингтің өзіне кейді 3-4 сағат кетеді. 

Оған қоса дайындық уақыты бар. Пандемия кезінде шешілуі тиіс көптеген мәселе тағы бар. Жаңа вакциналарды жеткізуге қатысты бұйрықты күтеміз. Мұның бәрін ешкім есептемейді, – деді бұрынғы денсаулық сақтау министрі Алексей Цой.

– Ең бастысы, меннен «жұмыс, әлде отбасы ма?» деп сұраған болатын. Отбасы бірінші кезекте. Осы жылдар ішінде балалар өсіп келеді. Олар ата-аналық ерекше бақылауда болмады. Сондықтан, өз уақытымды балаларымның тәрбиесіне арнағым келеді. Мен денсаулық сақтау жүйесінде жұмыс істеуді жалғастырамын, – деді Цой.