Алексей Цой Қазақстандағы ковидтік ауруханалардың жабылуы туралы айтты.

Бұл туралы Orda.kz хабарлады.

Мұндай ақпаратпен ҚР Денсаулық сақтау министрі өзінің Facebook парақшасында бөлісті.

– Өңірлердегі эпидемиологиялық жағдайдың жақсаруына байланысты 25 тамыздан бастап ковидтік аурухана ретінде көмек көрсеткен 103 объект (33 465 жұқпалы төсек) жабылды. Қажет болса, бұл төсектерді резерв ретінде пайдалануға болады, – делінген жазбада.

Айта кетсек, елімізде 908 847 адам коронавирус жұқтырған.

Өңірлер арасында коронавирус жұқтырғандар саны бойынша Алматы мен Нұр-Сұлтан көш бастап тұр. Аурудың ең аз саны Маңғыстау облысында тіркелді.

Бөлісіңіз: