Денсаулық сақтау министрі Алексей Цой үкімет отырысында коронавирустың таралуы бойынша есеп берді.
Бұл туралы Orda.kz хабарлайды.
– Қазақстан 6 маусымнан бері «жасыл» аймақта тұр. «Қызыл» аймақта Нұр-Сұлтан қаласы қалып отыр. Ал «сары» аймақта: Алматы қаласы, Ақмола, Атырау, Батыс Қазақстан, Қарағанды және Павлодар облыстары, – дейді министр Цой.
Оның айтуынша, Шымкент қаласы, Алматы, Ақтөбе, Жамбыл, Қостанай, Қызылорда, Маңғыстау, Шығыс Қазақстан, Солтүстік Қазақстан және Түркістан облыстары «жасыл» аймаққа енгізілген.
– Республика бойынша жалпы коронавирус инфекциясын жұқтыру жағдайлары төмендеп келеді. Соңғы аптада КВИ-ді анықтау 11 мыңнан 8 мың жағдайға дейін азайды немесе өткен аптамен салыстырғанда 1,3 есеге төмендеді. Мамыр айының басынан бері індетке шалдығу 2,1 есеге азайды, – дейді Алексей Цой.
