Цой коронавирусқа байланысты жаңа болжамын айтты

Денсаулық сақтау министрі Алексей Цой Қазақстандағы коронавирустық эпидемиологиялық жағдайға байланысты үш түрлі болжам туралы хабарлады.

— Біз коронавируспен сырқаттанушылықты бақылап отырмыз.  Сонымен қатар ғалымдардың бүкіл жұмыс тобы болжам жасауда. Яғни бұл соңғы екі аптадағы динамикадағы нақты есептеулер, ол сырқаттанушылық, оның ішінде төсек жүктемесінің көрсеткіштерін салыстырады. Әрине, біз екі апта сайын болжам жасаймыз, болжамдарымызды қайта қарастырамыз.

Қазір бізде оптимистік сценариймен күніне шамамен 6000-6100 жағдай болуы мүмкін деп болжап отырмыз.  Бұл тамыз айында болатын өршу, Ал тәулігіне нақты сценариймен 9 мыңға дейін және пессимистік сценариймен 11 мыңға дейін өсуі мүмкін. Біз осындай болжамдарды келтіреміз, біздің төсек-орын қорының мүмкіндігі қандай болатынын қараймыз және бұл жерде тиісті шаралар қабылдануда, – деді Цой.

Министр бұған дейін де корановирус жағдайына байланысты болжамдар жасаған. Бқл жолы да

Денсаулық сақтау министрі Қазақстандағы карантинді қашан күшейте алатынын айтты.

— Иә, бұл өте маңызды, егер біз төсек-орын толып жатқанын көретін болсақ, онда біз қатаң шаралар қабылдауға және шектеу шараларын күшейтуге мәжбүр боламыз, – деді министр.

Сондай-ақ, министр қазіргі уақытта 36 мың төсектің 50 пайызы қамтылғанын, ал 24 мыңға жуығы резервте тұрғанын атап өтті.

— Яғни, бізде шын мәнінде бүгінгі күннен бастап төсек қорының үш есе мүмкіндігі бар. Пессимистік сценарийде ( шамамен күніне 11 мың инфекция жағдайы) бұл төсек қоры толтырылады деген сөз. Бірақ бұған дейін жеткізбей, алдын алу шараларын енгізіп, қандай да бір қатаң шектеулер қоятын боламыз. Қазіргі уақытта біз оптимистік немесе нақты сценарий бойынша көретін параметрлерде бәрі бар, – деп жауап берді Цой.