Цой коронавирусқа қарсы вакцинаға қанша қаражат жұмсалғанын айтты

Денсаулық сақтау министрі Алексей Цой биыл Қазақстан коронавирусқа қарсы вакцина сатып алуға қанша қаражат бөлгенін айтты.

Бұл туралы Orda.kz хабарлайды.

– Вакциналардың құнына келетін болсақ, біз қазір жеткізуші компанияларға құпиялық туралы келісімдерді ескере отырып, осы сандарды жариялауға рұқсат сұрадық. Биыл 10 миллион 890 мың адамға вакцина сатып алуға 95,3 миллиард теңге жұмсалды, - деді министр ОКҚ брифингінде.

Бұл ретте Денсаулық сақтау министрлігінің басшысы барлық көрсеткіштер мен бағалар зауыттардың ресми бағасы болып табылатынын мәлімдеді.

– Жалпы, біз вакцинаның бірнеше түрімен келісімшартқа отырдық. Біз «Sputnik V» вакцинасынан 14,2 миллион доза, «Hayat-Vax»1 миллион доза, «QazVac» вакцинасынан 2,97 миллион және «Sinovac -тан» 500 мың доза сатып алдық. «Sinopharm» вакцинасының 4 миллион дозасын күтіп отырмыз, - деді Цой.