Цой: карантин талаптары бұзылса, қайтадан қашықтықтан оқытуға көшеміз

Денсаулық сақтау министрі Алексей Цой мектеп, колледж және ЖОО әкімшіліктері күндізгі оқу форматында карантиндік талаптар бұзылған жағдайда қалай әрекет ететінін айтты.

Бұл туралы Orda.kz хабарлайды.

Қазақстан үкіметі бірінші қыркүйектен бастап тұрақты медициналық қарсы көрсетілімдері бар адамдарды қоспағанда, мұғалімдер мен қызметкерлерді 100% вакциналаған кезде оқушылар мен студенттерді дәстүрлі оқыту форматына қайтару туралы шешім қабылдады.

— Мектепте бір инкубациялық кезеңдегі санына, анықталған санитарлық-эпидемиологиялық бұзушылықтарына, сондай-ақ жақын байланыста болған адамдардың санына байланысты сараланып, карантин енгізілсе, қайтадан қашықтықтан оқытуға ауысу жүзеге асырылатын болады, - деп хабарлады министр.

Сондай-ақ, денсаулық сақтау министрлігінің басшысы студенттердің жатақханаларда тұруын бақылауды күшейту үшін мониторингтік топтардың функцияларын кеңейту жоспарлары туралы айтты.