Chopard көзілдірігін киген ҰЭМ вице-министрі коммуналдық тариф өсетінін айтты

Қазақстанның Ұлттық экономика бірінші вице-министрі Тимур Жақсылықов Chopard швейцариялық премиум-класс брендінің көзілдірігін киіп тұрып, коммуналдық қызметтердің тарифі өсетінін мәлім етті, деп хабарлайды Orda.kz порталы.

Сенат дәлізінде журналистер Тимур Жақсылықовтан «коммуналдық қызметтерге тарифтердің өскенін сезді ме?» деп сұрады, себебі қазақстандықтар бірінші айда түбіртекті көріп, шығындардың әжептеуір өскенін байқаған.

Ол коммуналдық қызметтердің 30%-ға өскен байқағанын айтты. Вице-министр тарифтердің өсуі қазір барлық инфрақұрылымды жаңартуға қаражат қажеттігімен байланысты деп атап өтті.

Жақсылықовпен әңгіме барысында журналистер вице-министрдің Chopard  көзілдірігіне назар аударып, аксессуардың бағасын сұрады.

«Менің ойымша, 80-90 мың теңге. Ал мұны тағып жүргеніме де 10 жыл болып кетті. Ол кезде баға да басқа болған», - деді Жақсылықов.