«Чемоданның ішіндегі мәйіт»: Анасы тоғыз жасар баласын өлтірді

Ресейдің Пермь қаласының тұрғыны Ирина Шатова өзінің 9 жасар ұлын өлтіріп, чемоданға салып қоқысқа апарып тастағаны үшін айыпталып отыр.

Бұл туралы «Комсомольская правда» газеті хабарлады. 

Кәмелетке толмаған баланы немесе дәрменсіз жағдайдағы адамды өлтіру бабы бойынша қылмыстық іс қозғалды. Күдікті Ирина Шатова тергеуде өз баласының өліміне қатысы жоқ екенін айтып, коллекторларды айыптады. Қазіргі уақытта тергеу ісі  орталық тергеу комитетінің бақылауында.

Шатованың қарыздары болыпты. Көршілері оның автомобиль салонында жұмыс істегенін, жұмыстан шыққаннан кейін кәсіпкерлікпен айналысуы мүмкін екенін айтты.

Қылмыс 12 шілдеге қараған түні болды. Шатованың чемоданмен баласының денесін Монастырская көшесіндегі қоқыс жәшігіне қарай апара жатқаны бейнекамераға түсіп қалыпты. Чемоданнан пижама киген баланың денесі табылды.