Челябіде мектеп оқушысы сыныптасына оқ атып, кейін терезеден секіріп кетті

Ресейдің Челябі қаласындағы №32 мектепте мектеп оқушысы арбалеттен оқ атып, кейін терезеден секіріп кетті, деп хабарлайды Orda.kz.

ТАСС мәліметі бойынша, 9-сынып оқушысы мектепке пластик арбалет, газ баллонын және сигналдық тапанша алып келген.

Салдарынан екі адам жарақат алды. Дәрігерлердің айтуынша, қыздың да, оқушының да өміріне қауіп жоқ.

Мектептегі шабуылдан кейін тергеу комитеті бірден үш қылмыстық іс қозғады. Атап айтқанда, екі немесе одан да көп адамды өлтіруге оқталу, салғырттық және азаматтардың өмірі мен денсаулығы қауіпсіздігі талаптарына сай келмейтін қызмет көрсету баптары бойынша іс ашылған.

Оқи отырыңыз:

• Бішкекте мектеп сыныптарын орыс және қырғыз тілдеріне бөлуден бас тартпақ
• Ақтөбе облысында 99 жасөспірім қыз жүкті болды
• Иран АҚШ шарттарын қабылдамаса Трамп елді «тозаққа айналдырмақшы»