«Чек берілмегені туралы хабарласаңыз, сізге мың теңге төленеді»

Чек берілмеген бақылау-касса машиналарының жұмысындағы бұзушылықтар туралы хабарлайтын қазақстандықтарға 1000 теңге көлемінде сыйақы төленеді. ҚР Үкіметі бекіткен жаңа ережелерде осылай айтылған.

Бұл туралы Orda.kz хабарлады.

– Осы фактіні растаған жағдайда төлем карточкаларын пайдалана отырып төлемдерді қабылдауға арналған бақылау-кассалық машинаны және жабдықты пайдаланудың бұзушылықтары туралы хабарлама жасаған адамдарға сыйақы төлеу ережелері әзірленді. ҚР 2017 жылғы 25 желтоқсандағы «Салық және бюджетке төленетін басқа да міндетті төлемдер туралы» (Салық кодексі) және бақылау-касса машинасы мен жабдықтарын (құрылғысын) пайдалану бұзушылықтары туралы хабарлаған адамдарға сыйақы төлеу тәртібін айқындайды, - делінген жаңа ережеде.

Азаматтар мемлекеттік бюджеттен төлемдер алатыны және оның сомасын мемлекеттік сатып алу тендерінде жеңіп алатын оператор ұялы телефонның балансына аударатыны көрсетілген.

Заң 2021 жылы 28 мамырда күшіне енеді.