Чехия азаматтары елдегі кедейшілікке қарсы  наразылық білдірді

Прагада бірнеше мың адам «кедейшілікке қарсымыз» ұранымен шеруге жиналды.

Үкіметтен көмек талап еткен «кедейшілікке қарсылық» шеруін Чехия кәсіподақтар конфедерациясы ұйымдастырды. Халық энергия мен азық-түлік бағасының өсуіне наразылық білдірді.

DW хабарлауынша, мыңдаған адам Прагадағы Вацлав алаңына жиналып, қазір айына 644 еуроны құрайтын ең төменгі жалақыны көтеруді, сондай-ақ күнделікті тұрмыстық тауарларға бағаны мемлекеттік реттеуді енгізуді талап етті.

Ұйым төрағасы Йозеф Стредул: «Біз істейтін ісіміз жоқтықтан емес, болашағымыз үшін алаңдап келдік» деді.

Ұлттық статистикалық басқарманың мәліметі бойынша, Чехиядағы баға өткен айда бір жылмен салыстырғанда 17,2%-ға өсті. Үкімет үй шаруашылықтары мен шағын бизнес үшін электр энергиясы мен газға шекті баға белгілеп қойған. Ол қараша айының басынан бастап күшіне енеді.

Айта кету керек, бұл бағаның өсуіне қарсы бірінші шара емес. Қыркүйек айының басында 70 мыңға жуық адам үкіметтің отставкаға кетуін, энергия бағасын төмендетуді және Ресей-Украина қақтығысына бейтарап позицияны сақтауды талап етіп шыққан болатын.