Чехия шіркеуі коронавирусты Қытайдың биологиялық қаруына теңеді

Прага қаласының Қасиетті Вита соборындағы уағыз кезінде Прага архиепископы Кардинал Доминик Дука коронавирусты Қытайдың «биологиялық қаруы» деп атады, деп хабарлайды ORDA. редакциясы CNN Prima News телеарнасына сілтеме жасай отырып.

«Бүгінде, қазіргі жағдайда, бұл ең ауыр Қытай вирусы, биологиялық қару ағыны. Әлемдегі барлық әскери мамандар бұған сенімді, бірақ олар оны айтуға қорқады немесе батылы жетпейді… бірақ христиандар үшін бұл жағдай жаңалық емес. Біз өлім шекарасынан өтуіміз керек. Туылғаннан кейін біз ананың құшағына енеміз. Мұнда да сол сияқты Құдайдың құшағымен қауышамыз», - деген оймен бөлісті архиепископ.

Архиепископтың мәлімдемесімен кейбір жетекші Чех медициналық сарапшылары, атап айтқанда атақты иммунолог Вацлав Горейши келіспеушілік білдірді.

«Мен естігенім (Дукидің мәлімдемесі – ред.) - бұл жай ғана жанжал. Кардинал мырза жалған хабарлардың таратушысы. Мен де католикпін… біздің шіркеуді осындай адамдар басқаратыны өкінішті».

Горейши CNN Prima News телеарнасына

Ғалымның айтуынша, коронавирус жасанды түрде жасалған деп санайтын адамдар бұл туралы тек саяси немесе идеологиялық тұрғысынан айтады.