ЦАХАЛ Газа секторындағы жерасты туннельдерін суға толтырды

Израиль әскерилері Газа секторындағы жер асты туннельдер жүйесіне теңіз суын айдай бастады. Олар бұл туннельдерді Израиль палестиналық Хамас қозғалысының содырлары пайдаланады деп есептейді.

The Wall Street Journal басылымының жазуынша, израильдік әскерилер Хамастың инфрақұрылымын жойғысы келеді. Туннельдердегі су басу операциясы бірнеше аптаға созылуы мүмкін екені атап өтілді.

Желтоқсан айының басында газет Израиль қорғаныс күштері қарашаның ортасында Әл-Шати босқындар лагері маңында бес сорғы станциясын орнатуды аяқтағанын жазған. Қондырғылар Жерорта теңізінен суды айдап, туннельдерді бірнеше апта ішінде толтыруға қабілетті. Газет атап өткендей, туннельдерді суға толтыру әрекетінің топырақ пен жер асты суларына тигізетін әсерін, сондай-ақ анклавтағы су құбыры мен кәріз жүйесіне келетін зиянды есептеу мүмкін емес. Сонымен қатар, су тасқыны нәтижесінде туннельдерде болуы ықтимал қауіпті заттардың топыраққа енуі де мүмкін.