Бүгін елімізде Қарттар күні тойлануда

Халықаралық қарттар күні 1990 жылы желтоқсанда БҰҰ Бас Ассамблеясының 45-сессиясында жарияланды. Жалпы қарттар күні алғаш рет 1991 жылы атап өтілді. 

Жыл сайын дүние жүзінде қарт адамдардың құқықтары мен олардың қоғамдағы рөліне арналған конгресстер, конференциялар және басқа да шаралар өткізіледі.

Қазақстанда есте қаларлық күн ресми мерекелер тізіміне енгізіліп, жыл сайын тойланады. Бүкіл әлемде бұл күні қарттарға арналған түрлі шаралар өткізіледі. БҰҰ-ның қарары әлем халқының тез қартаюын мойындайды және егде жастағы адамдардың даму процесіне елеулі үлес қоса алатынын мойындайды.

ҚР Адам ресурстарын дамыту орталығының соңғы мәліметтеріне сәйкес, биылғы жылдың тамыз айында елімізде 2,3 миллион зейнеткер бар. 1 қазан – Қарттар күнінде қазақстандық зейнеткерлерге 2,5 АЕК (8 625 теңге) көлемінде біржолғы жәрдемақы төленеді.